Dövlət qulluğuna müəllimsiz necə hazırlaşmalı? 2023 | BA BB kateqoriyasi

Salam, hər birinizə

Mən sizə dövlət qulluğunun nə qədər əhəmiyyəti olduğu haqqında danışmayacam. Əsas mövzu əlavə xərc çəkmədən müəllimsiz dövlət qulluğu test imtahanına necə hazırlaşmalı olduğu haqda məlumat verəcəm.

Özüm haqda

Mən 2 ay müddətində (Yanvar-Mart 2021) Dovlet qullugu BA kateqoriyası üzrə imtahana hazırlaşdım. BA kateqoriyası imtahanı sadə imtahan deyil və keçid balı yüksəkdir (84 bal minimal keçid), üstəlik 20 dənə açıq sualın olması işi qəlizləşdirir.

Mən imtahanı 2ci dəfədən keçdim (1-ci dəfə 83 bal yığaraq 1 balla kəsilmişdim 😡, 2ci dəfə 94 bal yığdım 👌)

30 aprel 2023-cü ildə BB imtahanına işləyə-işləyə minimal vaxta 1 aya hazırlaşaraq 100 baldan 83 bal yığaraq BB1 səviyyəsi yığdım. 

BB imtahanına hazırlaşarkən 65 yox yüksək yığmağa çalışın. Çünki siz aşağı yığsaz aşağı maaşlı yerlərə gedə biləcəksiniz.

Dövlət qulluğu BA BB nəticələrim 2021-2023

Dövlət qulluğu BA 2021 Nəticələrin qrafik təsviri 

Dövlət qulluğu 2023 BB Nəticələrin qrafik təsviri 
BB1 yığan 120 adamdan biriyəm

                                    

Əgər BB kateqoriyasında keçid 65 bal və açıq sual yoxdursa BA-da yuxarıda qeyd etdiyim kimidir.

BA kateqoriyası üzrə bal bölgüsü

Dövlət qulluğu 4 blokdan ibarətdir: Ana dili, Qanunvericilik,İnformatika,Məntiq.

Sillabusları bu linkdən yükləyə bilərsiz: 👉 Proqramlar

100 sual var: 80 qapalı sual və hər sual 1 bal verir, 20 açıq sual və hər sual 2 bal verir.

Cəmi maksimal bal - 120 bal

P.S. (Təsəvvür edin: açıq sualları heç birini yazmasaz imtahandan kəsiləcəksiz 😅)

Fənnlərin çətinlik dərəcəsi (ardıcıllıqla)

Qanunvericilik - Niyə gücünüzü Qanunvericiliyə verəcəksini?

1. Hüquqi terminlərin çoxluğu 

2. Əzbərçilik və tez yaddan çıxması

3. 8 dənə açıq sualın olması

4. Söz oyunun olması (Məsələn variantları oxuyursuz cümlə düz gəlir arasına bir dənə artıq söz əlavə edirlər və bu səhv variant sayılır) 

Proqramda olan bütün Mövzuları oxuyursuz amma arasında ən çox gücünüzü

DQ haqqında qanunun son versiyasına (Təsnifat,Kateqoriya), Konstitusiya, Kargüzarlıq, Korrupsiya, Vətəndaşların müraciəti qanunlarına verəcəksiniz.

Tövsiyyə olunan kitab/material  - e-qanun

Niyə eqanun?

1. Müəllimlərin özləri o kitabdan götürür sonra öz adı ilə paylaşırlar uzağı test bankını işləyirlər.

2. E qanun ən son yenilikləri özündə əks etdirir. Müəllif kitabı isə köhnə ola bilər.Çünki qanunlar tez-tez dəyişilir (Məsələn DQ haqqında qanun)

3. İmtahana suallar son dəyişik edilmiş versiyasından da düşə bilər

Qanun testlərini mütləq işləməlisiz!

Məntiq - Burada oxumalı heçnə yoxdur ancaq test işləyirsiniz. 

Məntiqdən n qədər kitab olsa da tövsiyyəm odur ki, məntiqi TQDK 2015 /DİM 2021 kitabından işləyəsiniz. Özüm 2015-in kitabı ilə işləmişəm.

Başa düşmədiyiniz izahları YouTubedan baxın.

İnformatika - Magistraturadan fərqli olaraq DQ-da bu fənn asan düşür və 3ü açıq sual olmaqla 15 sualdan ibarətdir. Mən Magistr Ol kitabından oxuyurdum + Office proqramlarını yaxşı bilməyim mənim işimi asanlaşdırdı. 

Ancaq kitabı oxuyan insandan asılı olaraq 15 sualdan 9-11 dənə sual yaza bilər.  

Azərbaycan dili - Abituriyent günlərinizi xatırlayın. 😅. Çox asan düşür. 

Mən şəxsən bu fənnə az vaxt ayırmışam. Ümumi götürəndə 1 dəfə dərindən, 3-4 dəfə isə vərəqləmişəm. Test bankını işləməmişəm və oxuduğum kitab Araz yayınları olub. 

Ancaq kitabı oxuyan rahat 15 sualdan 10-12 dənə sual yaza bilər.  

İmtahan prosesi və cavablar

1. İmtahanda həyəcanınızı boğursuz və imtahanı verirsiz. 
2. İmtahanda buraxılış vərəqəsini və şəxsiyyət vəsiqəsi ilə gəlirsiz.
3. Cavab kartını düzgün doldurun 
4. Mən başlayanda 1ci - Ana dili, 2ci-İnformatika, 3-cü Qanun, 4cü Məntiqi işlədim.
5. Cavablar iş günü çıxır. (6cı gün vermisizsə 1ci gün çıxacaq, 5ci gün vermisizsə 5ci gün)

Dövlət qulluğunda bilməli olduğunuz nüanslar: 

1. İmtahana hazırlaşan vaxtı hansı qanun layihəsi təsdiqlənibsə SON VERSİYANI oxumaq lazımdır
2. Kəsilsəz kefinizi pozmayın. Mən 1 balla kəsiləndə 3 gün özümə gəlməmişdim. Amma prinsipə düşdüm dedim ki keçməliyəm və keçdim. 
3. BB kateqoriyasını 1 aya işləyə işləyə hazırlaşmaq olar. BA kateqoriyası üçün vaxt çox ayırmaq lazımdır 
4. İmtahanı keçməsəniz qlobal hadisə baş verməyəcək. 
5. Mütləq şəkildə DQ üzrə məşhur teleqram kanalına üzv olursuz https://t.me/dqsavjam
6. Ödənişli imtahan olduğu üçün ciddi hazırlaşın.BA- 94AZN BB- 82AZN
7. Qanun Məntiqə vaxt çox ayıracaqsız amma İnfo Ana dilini unutmamaq şərtilə.
8. Sertifikat (kağız) sərəncam verildikdən 1 ay müddətinə verilir, amma sərəncam verildikdə onlayn qüvvədə olur. Sertifikat 5 illikdir.

İMTAHAN MATERİALLARI YÜKLƏMƏK ÜÇÜN BURA KEÇİD EDİN

Uğurlar sizə!