Google My Business hesabını video zənglə necə təsdiqləməli?

Google My Business (GMB) - Lokal SEO aləti olaraq şirkətlərin əsas talismanı sayılır.

Çünki saytı olmayan bir şirkətin ofisi varsa, demək GMB hesabını açmaqla öz biznesini təşviq edə bilər.

GMB hesabının olması pulsuz marketinq aləti olmaqla bir növ sosial şəbəkə rolunu oynayır.

Üstünlükləri ilə bağlı ayrıca məqaləm olacaq amma bu üstünlüklərdən istifadə etmək üçün biznesini təsdiqləmək ən vacib faktor sayılır. 

Əgər biznesini təsdiq edə bilməmisizsə onda üstünlüklərə baxmasaz da olar. 

GMB hesabını yaratmaq üçün:

1. Şirkət adına olan gmail hesabınız olmalıdır.

2. Google Business saytına daxil olub Sign up etməlisiniz. 

3.Lazımi məlumatları düzgün qeyd etməlisiniz. 

ƏSAS Məsələ bundan sonra başlayır - 

14 gün məsələsi və postcard :)

P.S (İnternetdən nümunə götürülüb)

Azərbaycanda GMB hesabı açarkən Google sizə 14 gün postcard (bağlama) gözləməyi tövsiyyə edir ki, 99% postcardlar deyilən tarixdə gəlmir. Bəzən aylarla gözləməli olursan.  

Tövsiyyəm odur ki, postcardı heç kim gözləməsin çünki postcardların izləmə kodu olmur, o üzdən siz bilmirsiniz postcard Amerikadadır yoxsa gömrükdə.

Tez həll etmək üçün Google sizə video call verification metodunu təklif edir. 

Mən özüm işlədiyim şirkətdə bu üsulu sınadım və nəticəsi müsbət oldu.

Video zənglə məsələni necə həll etmək olar?

Əsas tələblər:

1. Şirkət fiziki mövcud olmalı (saxta şirkət olmamalıdır)

2. Bayırda və içəridə şirkətin loqosu olmalı 

3. Reception olmalı 

4. Sanitar qovşaq olmalı 

5. Vizitka (məsul şəxs və ya Direktor) və korporativ broşur olmalı

6. Müsahibəni aparan şəxs ingilis dilini bilməli (İntermediate level)

7. Google Meet proqramı həm telefonda həm də kompyuterdə aktiv olmalıdır

Yuxarıdakı qaydalar ən vacib nüanslar sayılır.

Şirkətin formasından asılı olaraq müsahibədə Google əməkdaşı sizdən başqa istəkləri də ola bilər. 

Öz real nümunəni təqdim edirəm:

Barattson nəzdində fəaliyyət göstərən IDP IELTS-də GMB hesabını aktivləşdirmək lazım idi. 

Vəziyyət belə idi: 

Google Maps`da location var idi 

Search`də listing olaraq görünürdü

Claim the business etmək lazim idi

1. Əvvəlcə Gmaps ilə claim elədik

2. 14 gün guya postcard gözlədik :)

3. 14 gündən sonra GMB Help Centerdə postcard gəlmədiyini şikayət elədik 

4. Sonra özləri bizə yazdılar və email ilə yazışmaya start verildi

5. Email ilə yazışarkən fikir veriləcək məqam 

    5.1 İş saatları

    5.2 Əməkdaş bizə hansı saat zonası ilə yazır 

           PST və EST saat zonası ilə yazılır. 

Nümunə: 09:00 PST = 20:00 Bakı vaxtı (11saatlıq fərq)

                09:00 EST = 17:00 Bakı vaxtı (8 saatlıq fərq)

Görüş vaxtı təyin edərkən saatı öz vaxtınıza uyğun təyin edin.

6. Görüşdən qabaq sizə Google Meet linki göndəriləcək və linkə kliklədikdə Ask Join`ə klikləməklə

görüşə başlayırsız.

7. Görüşdə sizdən soruşacaqlar (ingiliscə)

7.1 Özünüz haqqında məlumat vermək 

7.2 Yuxarıda qeyd edilən Əsas tələb kimi qoyulan şərtlər ilə bağlı suallar veriləcək. 

Qısası...

Görüş uğurla bitəndən sonra və heç bir əlavə problem olmayandan sonra Sizə aşağıdakı mesaj gələcək. 

 

Bu da yekun nəticə:

Suallarınız olarsa mənə yaza bilərsiniz 

Hər kəsə uğurlar!