Bankların risk əmsalı göstəriciləri (SİYAHI)

 
        Manatın devalvasiyası və neftin qiymətinin düşməsindən sonra  bank sektoru iflic vəziyyətə düşdü . 2015-ci ilin dekabr devalvasiyasından sonra bankların sayı 44-dən 30-a , bank aktivlərin həcmi 32 milyarddan 27 milyarda düşdü ( ABB-nin sağlamlaşdırılması prosesi ilə bağlı ) . Həmçinin kadr potensialına ciddi ziyan dəydi və bank sektorunda çalışanların sayı 21000-dən(2015)  16180 nəfərə (2018) kimi düşdü .

        Problemli kreditlərin həcmində ciddi artımlar oldu və onun həcmi 1.9 milyarda kimi qalxdı . Problemli kreditlərin artımı bankların aktivlərin risk göstəricilərinin artımına səbəb oldu və ehtiyata ayırmaların həcmini artımaqla səhm kapitalını "yeməklə" vəziyyətdən çıxmalı oldular .

        Problemli kreditlərin artımı  I dərəcəli kapitalın və məcmu kapitalın adekvatlıq əmsalların faizinə də ciddi təsir göstərdi . MBNP bankları bağlayarkən məhz bu amili nəzərə alırdı və bağlanan banklar hətta Mərkəzi Bankın miminal normativlərinə belə cavab vermirdi (I dərəcəli kapital min.5% , Məcmu kapital min.10%) . 

           2017-ci ilin sonunda DəmirBankın qəflətən bağlanması insanların bank sektoruna təzəcə bərpa olunan inamına da zərbə vurmuş oldu . İnsanları bir sual düşündürür ki , növbəti hədəf kimdir ?

Bəzi insanlar düşünür ki , bank rübü və ya ili zərərlə başa vurursa demək bağlanacaq . Əslində bu belə deyil  . 

         Çox təəsüf ki , hələ də bağlanma ehtimalı olan 4 bank bazarda qalmaqdadır ( AGBank , Accessbank ,Bank of Baku ,Bank Respublika ) . Bunu nəzərə alaraq Azərbaycan banklarının 2018-ci ilin 1 yanvar tarixə olan bankların bağlanmasında mühüm faktor olan adekvatlıq əmsalını sizə təqdim edirəm 

Qeyd etmək istərdim ki , bu məlumatlar bankın maliyyə hesabatlarından götürülüb .

Cədvəl : Bankların adekvatlıq göstəriciləri 

Banklar	Adekvatlıq əmsalı 01.2018 I dərəcəli kapital  norma 5%	Adekvatlıq əmsalı  01.2018 Məcmu kapital  norma 10%
1. “ACCESSBANK” QSC	3.39%	6.38%
2. “AFB BANK” ASC	---	----
3. "AGBank” ASC	6.6%	8.15%
4. “Amrahbank”  ASC	13.4%	20.1%
5. “AtaBank”  ASC	19.7%	20.8%
6. “Azərbaycan Beynəlxalq Bankı” ASC	20.8%	17.1%
7.“Azərbaycan Sənaye Bankı” ASC	16.3%	17.2%
8. “Azər-Türk Bank” ASC	26%	27%
9. “Bank Avrasiya” ASC	53.5%	61.5%
10. “Bank of Baku” ASC	3.8 %	7.31%
11. Bank “BTB” ASC	27.2%	28.5%
12. “Bank Respublika” ASC	5.47%	8.26%
13. Bank VTB (Azərbaycan)	38.2%	57.7%
14. “Expressbank” ASC	36%	39%
15. “GünayBank“ ASC	35.4%	39%
16 ASC “XALQ” Bankı	12.1%	14.3%
17 “Kapital Bank” ASC	9.8%	16.61%
18. “Muğanbank” ASC	Teqribi 16-19%	Teqribi 22-25%
19. “NBCBank” ASC	27%	29%
20. “NİKOYL” İKB ASC	17%	25%
21. “Rabitəbank” ASC	20.5%	29.7%
22.  “TURANBANK” ASC	14.7%	19.1%
23.  “UNİBANK” Kommersiya Bankı” ASC	7.7%	13.60%
24. “Yapı Kredi Bank Azərbaycan” QSC	16.3%	20.5%
25. "Ziraat Bank Azərbaycan" ASC	25.1%	27.6%
26. Pakistan Milli Bankının Bakı Filialı	30%	30%
27. “Naxçıvanbank”  ASC	--------	--------
28. Melli İran Bankı Bakı filialı	83%	131%
29. “Paşa Bank” ASC	19%	15%
30. BANK SİLK VEY ASC	11%	13%